Servizzi Oħra

Taf tiġi bżonn servizzi oħra tal-elettriku mill-Kumpanija tagħna. Aħna impenjati li noffru dawn is-servizzi bi prezz ġust u fi żmien raġonevoli. Biex titlob wieħed minn dawn is-servizzi, jekk jogħġbok imla l-formola tal-applikazzjoni xierqa u ssottomettiha lill-ARMS. Kull formola tal-applikazzjoni tinkludi dettalji dwar ir-regolamenti u t-termini u l-kundizzjonijiet relevanti kif ukoll lista ta’ dokumenti li huma neċessarji għas-servizz li tkun interessat fih.

Dawn huma xi wħud mis-servizzi li tista’ tiġi bżonn:

Tibdil fis-Servizz tal-Elettriku
Dan is-servizz jintalab meta jkollok bżonn iżżid jew tnaqqas il-load tal-provvista tal-elettriku tiegħek, jew meta jkollok bżonn iċċaqlaq il-meter tal-elettriku tiegħek għal post ieħor fil-qrib, fl-istess proprjetà.

FORMOLA TAL-APPLIKAZZJONI BE – TIBDIL FIS-SERVIZZ TAL-ELETTRIKU

Tneħħija tas-servizz
Dan is-servizz huwa meħtieġ meta ma jkollokx aktar bżonn il-provvista tal-elettriku li nipprovdulek u tkun tixtieq tneħħi l-meter u t-tagħmir relatat kollu. Din il-formola trid tiġi sottomessa dejjem meta bini pprovdut b’servizz tal-elettriku mill-Enemalta jkun se jitwaqqa’.

FORMOLA TAL-APPLIKAZZJONI CE – TNEĦĦIJA TAS-SERVIZZ TAL-ELETTRIKU

Devjazzjoni/Gaiters/Tifi ta’ Feeder ta’ Vutaġġ Baxx
Permezz ta’ dawn is-servizzi, aħna nistgħu ngħinuk billi niddevjaw jew ngħattu linji tal-elettriku li jkunu qrib siti jew bini, biex inti tkun tista’ twettaq xogħlijiet ta’ manutenzjoni, twaqqigħ jew kostruzzjoni b’mod sigur. F’ċerti każijiet, inti tista’ titlob ukoll l-iskonnettjar b’mod temporanju ta’ kejbils ta’ vultaġġ baxx li jgħaddu minn jew qrib sit jew bini, biex twettaq xogħlijiet simili b’mod sigur.

FORMOLA TAL-APPLIKAZZJONI DE – GAITERS, TIFI JEW DEVJAZZJONI TA’ WIRES TAL-ELETTRIKU FIT-TOROQ

Formoli tal-applikazzjoni għal servizzi oħra

FORMOLA TAL-APPLIKAZZJONI EE – KORREZZJONI TAL-FATTUR TA’ POTENZA
FORMOLA TAL-APPLIKAZZJONI REC – RIKONNESSJONI TAS-SERVIZZ
FORMOLA TAL-APPLIKAZZJONI TE – SERVIZZI TEMPORANJI TAL-ELETTRIKU
2018-11-26T09:26:33+02:00