Spezzjoni speċjalizzata fuq switchgear fid-DC tal-Kappara
29.09.2022
Fil-ħidma tagħna biex nassiguraw provvista kontinwa u stabbli tal-elettriku, x-xogħlijiet ta’ manutenzjoni jibqgħu għaddejjin sebat ijiem fil-ġimgħa s-sena kollha.
Inġiniera tagħna flimkien ma esperti ta’ kumpanija Ungeriża fl-aħħar jiem għamlu spezzjoni dettaljat tas-switchgear tal-132kV fiċ-Ċentru tad-Distribuzzjoni tal-Kappara.
Din it-tip ta’ spezzjoni ssir b’mod regolari kull ħames snin u tagħtina indikazzjoni ċara jekk partijiet mit-tagħmir ikollu bżonn interventi ta’ manutenzjoni.
Waqt li kien għaddej dan ix-xogħol, il-provvista elettriku għall-klijenti li jieħdu l-provvista tal-elettriku minn dan iċ-ċentru ma ġietx interrotta.
