Teknoloġija li ser tintuża f’Delimara mhux ‘sperimentali’
29/01/2010
Il-Korporazzjoni Enemalta tixtieq tikjarifika li waqt il-laqgħa pubblika tal-MEPA fejn ġiet diskussa l-applikazzjoni ta’ l-estenzjoni tas-sit tal-Power Station f’Delimara, l-Inġinier Grima fl-ebda mument ma qal li t-teknoloġija li se tiġi użata mhijiex pruvata jew inkella li se tkun aplikata għal l-ewwel darba. Anzi, huwa spjega li kien hemm eżempji oħra ta’ impjanti li jużaw magni Diesel u impjanti oħrajn għal ġenerazzjoni elettrika f’diversi pajjiżi tad-dinja.
Lanqas it-teknoloġija li ser tiġi użata biex jinqabdu sustanzi tossiċi mhija ġdida. Fil fatt, fil-Korea hemm impjant li juża magni Diesel li huwa ekwipaġġat b’apparat li jirriduċi NOx, SOx u t-trab fl-arja, u dan ilu jaħdem perfettament għal erba’ snin, u huwa simili għall-attrezzatura li se tiġi installata Delimara.
Ħaġa waħda biss hija ta’ l-ewwel, il-kumbinazzjoni tal-magni Diesel flimkien ma l-ekwipaġġ li jelimina s-sustanzi tossiċi fl-arja. Iżda hemm biżejjed infomazzjoni u esperjenza fuq dawn it-tipi ta’ tekonoloġija biex inkunu nistgħu nipprevedu kif l-għaqda tagħhom se taħdem.
Il-fatt li qed jingħad li din it-teknoloġija f’Delimara hija ‘sperimentali’ huwa mingħajr bażi.
Nirvana Azzopardi
Public Relations and Marketing Officer |
Contact
us
POWER
INTERRUPTIONS
